Hæhæ elsku allir,

Við vitum vel að það er orðið frekar langt síðan að við létum í okkur heyra og erum við ekki að lofa mikilli bót á því hérna eitthvað frekar, en við erum bara búin að vera á fullu í vinnunni, í náminu og svo undirbúningurinn í veislunna stóru í ágúst. Talandi um hana þá er farið að styttast allskyggilega í hana og þar af leiðandi höfum við orðið að ósk nokkra veislugesta okkar um að setja einhvern svona smá hugmyndaróskalista en við birtum hann á annari heimasíðu, þ.e.a.s. www.123.is/berglindoggusti

Til vina, ættinga og annara velunnara okkar sem ekki fengu boðskort, þá því miður var það bæði hausverkur og púsluspil að koma gestalistanum saman. En vegna takmörkunar á veislusalnum, uppgvötun okkar um hvað nánast fjölskyldan hjá okkur báðum er svakalega stór ásamt nokkrum öðrum ástæðum, þá urðum við því miður að skera niður gestafjöldann. En þennan hausverk kannast eflaust flestir við sem hafa staðið í þessum undirbúningi, þótt viljinn sé fyrir hendi og löngun til að bjóða öllum.

Jæja þá er þessu fargi létt af okkur í bili, og námið kallar á Berglindi...

Risa knús og kossar frá okkur í DK

Hæhæ,

Oft þegar maður er að læra þarf maður aðeins að brjóta hlutina upp og taka smá pásu, og í þetta skiptið fór ég og skoðaði hvernig strumpur ég væri. Niðurstaðan er:

Ef þið hafið áhuga að kíkja á hverngi strumpar þið eruð þá er slóðin: 
http://bluebuddies.com/smurf_fun/smurf_personality_test/smurf_personality_test.htm

Jæja bækurnar farnar að heimta athygli aftur....

Knús frá Áló,
Berglind.

Hæhæ allir....

Þar sem Berglind á jú víst afmæli í dag, þá ætlar hún að hafa kaffi á könnunni og jafnvel að baka eins og eina köku fyrir þá sem langar að kíkja inn... en þetta verður ekkert formlegt núna.
Planið fyrir formlega veislu, eins og einn vinur okkar krafðist þá erum við að hugsa um föstudaginn 31. janúar eða laugardaginn 1. febrúar, með þeim fyrirvara að Gústi verði ekki farinn til Írlands á vegum vinnunar sinnar þá.

Frekari skilaboð um veisluna koma síðar, þegar Berglind kemur heim aftur frá Íslandi.

Knús og kossar frá Áló

Hæhæ allir saman  

Jæja humm... hvað segið þið... er þrettándinn ekki ennþá ókominn? Eee... úbbs...L 

Annars þá nei nei, það fór ekkert frámhjá okkur enda er jú auðvita til dagatal hérna í Danaveldinu líkt og annarsstaðar. En seinkunnin á einhverjum skrifum hérna er tvískipt; Fyrir það fyrsta þá klúðraði Berglind eitthvað skjalinu sem hún geymdi það sem búið var að skrifa um okkur, í öðru lagi þá er búið að vera mikið að gera hjá okkur síðan rétt eftir áramótin, og í raun mun meira en við kannski áætluðum fyrir. En útkoman er sú að á nokkrum dögum náðum að fresta ákvarðanatöku okkar um framhaldið hjá okkur um hálft ár. Það er að segja þá ákvörðun hvað við eigum að gera þegar Berglind er búin með námið hérna, hvort við flytjum heim eða hvað við gerum. 

Málið er að þar sem Berglindi gekk svo rosalega vel á Bifröst þá hefur hún brennandi áhuga á að halda þar áfram á vorönninni. Eftir að búið var að fara í fjárlög heimilisins og skoða möguleikan á að borga enn eina önn á Bifröst án þess að það hefði áhrif á önnur mikilvæg plön hjá okkur, þá ætluðum við að athuga hvort hún gæti ekki skrifað mastersritgerðina sína á ári, í staðinn fyrir á hálfu ári eins og venja á að vera, bæði til að halda íbúðinni hérna úti og námsstyrknum í staðinn fyrir að fresta bara algjörlega önninni. En málið var víst ekki svo einfalt hérna þar sem nýjar reglugerðir eru um skrif á slíkum ritgerðum, þær mega nefnilega núna bara taka hálft ár en ekki óendalega lengi eins og áður. Þannig að samningarviðræður hófust við skólann hérna úti og var það algjörlega á þeim samningarviðræðum sem það ákvaðst hvað hægt væri að gera. En þar sem þessar reglur eru svo nýjar þá fann yfirkennarinn hjá Berglindi smá smugu í kerfinu fyrir hana og jú, hún fékk frestað skilunum á ritgerðinni hjá sér þanngað til í miðjan október. Svo nú er hún í algjöri merkingu að fara að taka 2 mastersgráður í einu, þ.e.a.s. hún mun taka vorönnina á Bifröst og skrifa ritgerðina á sama tíma fyrir háskólan hérna í Álaborg. Svo júmm... það er því gefið að ekki verður hægt að lofa mikilli frammistöð hérna enda er jú eins og flest ykkar vita af undirbúningurinn fyrir 08.08.08 líka í fullum gangi. 

Brúðkaupið:
Já fyrir ykkur sem ekki hafið frétt af því, sem eru eflaust ekki margir, þá ákváðum við hjónaleysin að láta pússa okkur saman 8. ágúst næst komandi, og mun athöfnin vera í kirkjunni á Borg á Mýrum þar sem aðeins nánasta fjölskylda okkar, þ.e.a.s. foreldrar, systkyni og makar, ömmur og systkyni foreldra okkar verða viðstödd athöfnina. En eitthvað verður aðeins fleira um fólkið í veislunni hjá okkur eftir athöfnina þótt svo að því miður verður miðað við 18 ára aldur veislugesta. 

En svona annars upptalning hjá okkur síðan síðast: 

áramótapistillinn af restina af árinu...

Á Íslandi í haust:
Þá fór Gústi í nokkrar veiðiferðir bæði með pabba sínum og síðar líka með vinum sínum og náði hann að skjóta í jólamatinn fyrir foreldra sína J en ekki var mikið um fugla þar sem þeir voru.Við skruppum norður, Gústi reyndar bara eina helgi enda veiðiferðatímabilið í fullum gangi hjá honum, en við áttum yndislegan tíma í ,,sumarbústaðinum” í Vaglaskógi. En við kíktum líka á samgönguferðasafnið rétt fyrir utan Húsavík og gerðumst enn og aftur virkilegir ferðamenn á Íslandi við að fara í hvalaskoðunarferð. En báturinn var fullur með tæplega 100 manns en við tvö þau einu sem vorum íslendingar á bátnum fyrir utan áhöfnina. En hvað hvali varðar þá sáum við ekki nema eina hrefnu á þessari 3 tíma siglingu L En samt bara gaman að hafa gert þetta J 

Aftur komin til DK:
Við komum aftur heim um miðjan september við hálf undarlega tilfinningu þar sem tvær vinafölskyldur okkar fluttu skyndilega heima aftur til Íslands vegna fjölskylduaðstæðna L en svona er lífið... og þá sérstaklega nemendalífið hérna... fólk kemur og fer... 

Eftir að við komum heim þá fór Gústi á fullu að vinna líkt og venjulega, en hann fékk skemmtilega og óvænta mótttöku á vinnustaðnum sínum fyrsta daginn eftir sumarfríið. Málið er að hann fékk svokölluð starfsmannaverðlaun frá FLSmidth sem eru afhent einu sinni á ári fyrir frábært vinnuframlag sem hefur skilað sér afburðarvel fyrir fyrirtækið J Svo það eru ekki bara orðinn hans eða okkar að honum gangi vel í vinnnunni, hann fékk það staðfest frá fyrirtækinu að hann er greinilega duglegur í vinnunni  

Skólinn hjá Berglindi var þegar byrjaður þegar við komum heim aftur en fjarnámið á Bifröst var svona smá dæmi að venja sig við. Þá sérstaklega að þurfa ekki að taka sig til, fara út og mæta svo í kennslustund með öðrum nemendum klukkan 8 eða 9, heldur að fara fram fá sér morgunmat og labba svo inn í litla herbergið hjá okkur og setjast við skrifborðið og byrja að læra. Það tók smá tíma að átta sig á sjálfsaga og skipulagningarhæfni til að koma þessu í fasta rútinu en þetta gekk síðan bara mjög vel alltaf hægt að venja sig við breyttar aðstæður. 

Námsferðin til USA:
Um miðjan október fór Berglind með skólanum í námsferðina til Bandaríkjanna. En ástæðan fyrir að hún gat farið í þessa dýru ferð var að hún á voðalega gott fólk að, bæði vinkonu og systur En vinkona hennar hún Svanhildur og maðurinn hennar Þór búa einmitt í New York og buðu þau Berglindi að vera hjá sér þrátt fyrir að Svanhildur var svotil komin á steypirinn og að þær stöllur hafi ekki hist í fjölda ára. Takk kærlega fyrir gistinguna sætu foreldrar hennar Emblu litlu sætu prinsessu Berglind reyndi að láta lítið fyrir sér fara og gat hún það stórlega með hjálp Unnur systur sinnar. En Unnur var nefnilega líka í ferðinni, enda er hún komin í sama nám og Berglind J á Bifröst. Unnur var á hótelinu sem flestir í bekknum voru á og endaði það með því að Berglind var líka mest megnis af tímanum hjá henni, svo elsku Unnur takk kærlega fyrir það og bæði Unnur og Svanhildur og Þór innilega takk fyrir skemmtilegan og minnistæðan tíma í fyrstu Bandaríkjaferðinni minni 

Eftir heimferðina frá USA stoppaði Berglind á Íslandi til að taka próf og vinnuhelgi á Bifröst. Síðan þegar hún kom heim aftur til DK kom pabbi hennar og Linda Björk systir hennar með út og voru í viku. Það var voða gaman og Gústi tók sér frí í vinnunni, þar sem við ferðuðumst mikið. Kíktum á kalknámu með leðurblökum í, keyrðum hellingu um vestur Jótland, skruppum í verslunarferð til Þýskalands og svo kom Óli bróðir hennar Berglindar og María konan hans í heimsókn frá Svíþjóð. Sem var alveg meiriháttar enda höfðu þau ekki sérst í langan tíma sem og pabbi hennar og Linda höfðu ekki heldur. 

Eftir þennan tíma komst heimilislífið í vana gang hérna aftur hjá okkur báðum og prófin sem Berglind tók í desember tók hún í gengum tölvuna. En útkoman var mjög jákvæð eins og áður sagði hér að ofan.  

Hátíðarnar:

Jólin voru notaleg að vanda, en í ár keyptum við risa jólatré og bara allt voða fínt. Borðuðum með vinum okkar hangikjöt á jóladag og um áramótin vorum við líka hjá vinum og elduðum, skutum upp og höfðum það voða gaman saman  

Jæja ætli við látum þetta ekki duga í bili enda nóg að gera í smá bakstri og pökkun fyrir Íslandsferðina hennar Berglindar á morgun, vegna vinnuhelgarinnar núna um helgina á Bifröst. 

Knúsar og kossar héðan frá okkur í DK
B&G

Elsku vinir og vandamenn

 Gleðilegt nýtt ár og takk fyrir það gamla

Risa nýjársknúsar frá okkur í Áló,
Berglind og Gústi.

P.s. Áramótapistilinn er í vinnslu... þ.e.a.s. létt upptalning á því sem við gerðum á árinu sem er að líða frá því að við skrifuðum síðast Kemur inn í síðasta lagi á þrettándanum

Hæhæ... 

Já eins og sjá má hefur ritarinn hérna verið í ,,sumarfrí” frá skriftum... enda mikið að gera bæði núna og síðan síðast... 

En við fengum gest til okkar í þrjár vikur, hann Elvar Birgir litla frænda Berglindar. Sem var kærkominn heimsókn og mikið brallað af skemmtilegum hlutum, eins og fara í göngutúra í listigarðinum, farið í froskaleiðangur, tekinn langur dagur í dýragarðinum, farið í Sommerland, farið að versla skólafatnað, slappað af og svona. Sem var hið besta mál, enda dró það hugann hjá Berglindi frá leiðinlegri atviki sem átti sér stað deginum eftir síðasta pistill. En í stuttu málið sagt þá var hún lögð inn á spítala eftir að það var sett lyf út í glasið hennar, en sem betur fer gerðist ekki neitt. Hún ætlar að skrifa um þetta við tækifæri, þar sem hún vonar að það geti verið öðrum víti til varnaðar. En þanngað til þá, passiði ykkur og drykkina ykkar, opnið þið allt sjálf! Ekki fá glas hjá kunningjum, þótt þú sért í einkasamkvæmi! 

Enn alla vegna mitt í þessari heimsókn hans Elvars Birgirs var hin árlega Hróaskelda og fór Gústi ásamt gömlu hróaskeldufélögunum sínum þeim Eyfa, Hjölla og Flemming ásamt nokkrum nýgræðlingum eins og þeim Hauki, Mæju, Fríðu (systir Mæju&Höllu) og Didda. En eins og menn/konur muna eflaust þá var þetta annsi blaut skemmtun og dugðu þó flestir allan tímann við eitthvað puð við viðbúnaðinn og að komast leiðar sinnar. En allt er gott sem endar vel og þessir Hróaskeldufarar bera hátíðinni vel, miða við aðstæður. Enda voru þau líka mjög heppin með tjaldsvæði, miða við marga aðra á staðnum. 

Síðan um miðjan júlí fór Berglind til Íslands með Elvar Birgir, enda námið á Bifröst að hefjast. En Gústi var og er enn heima í Dk að vinna. Af náminu hjá Berglindi þá gengur það bara vel, þrátt fyrir mikinn lærdóm (eins og sjá má hér... bara verið að blogga... en það mætti frekar kallast kærkomin pása frá lestri... ekki bara slugsa háttur). Tvö af þremur og hálfu námskeiði, á þessari summarönn, er lokið og hefur verið mikið um verkefnaskil og slíkt. Því hafa mikilvægir atburðir í lífi vina okkar, kærkomnar og aðrar heimsóknir, setið á haganum L sem Berglind þykir mjög mikill miður að missa af. Eins og elsku Maja, Halla og fjölskyldur, Gyða og Ævar, Litla ljónafjölskyldan í Kvíaholti og fleiri hafa komist að raun að L . En svona er lífið, maður verður að forgangsraða sumum hlutum og því ver og miður verður maður að vera stundum sjálfselskur og setja þarfir sínar í fyrsta sæti, eins og skila mikilvægum verkefnum í skólanum, taka próf og slíkt.  

Á meðan þessari Íslandsdvöl stendur, hefur Gústi ekki verið mikið einn, enda góðir vinir og einnig vinnufélagar sem hafa séð honum fyrir afþreyingum líkt og bjóða honum í grillmat og bjór. Farið með hann í bíó. Eldað helling af fisk ofl. J En hann mun síðan koma til Íslands þann 25. ágúst, þar sem sumarönninni hjá Berglindi lýkur þann 23. ágúst, og munum við skötuhjú bralla eitthvað skemmtilegt þar til að Berglind byrjar á haustönninni sinni. En verkefnin liggja líka fyrir hjá Gústa hér á landi, en hann er að skipuleggja í óða önn að fara á nokkra daga gæsaskytterí með pabba sínum ásamt því að hjálpa honum gamla að hefjast handa í hlöðunni fyrir hlöðuballið/böllin næsta sumar J . En síðan munum við fljúga aftur heim til DK þann 15. september enda haustnámið hjá Berglindi að mestu leytið í fjarnámi, ef burt er séð frá vinnuhelgunum þann 7 & 8. september og 26 & 27 október og námsferðinni til New York þann 13.-19. október. 

Talandi um þá námsferð þá hljómar hún alveg rosalega spennandi enda mun verður farið í heimsókn í nokkur stórfyrirtæki sem tengjast náminu hjá Berglindi á Bifröst, ásamt því að skólinn er búinn að skipuleggja einn af fyrirlestrunum á haustönninni í einum háskólanna þar ytra, enda kannski ekki mikil furða þar sem svo mikið af kennaraliðinu á brautinni hennar eru annað hvort prófessora eða fólk úr viðskiptalífinu í NY. Eini gallinn á þessari ferð er hár kostnaður, þar sem verið er að tala um hótel í frekar dýrari kantinum fyrir suma en aðra. Ferðin er heldur ekkert styrkt af neinum né einhver söfnun í gangi, en það er mikill munur á fjárhag nemenda, þar sem það rokkar frá fáum sem eru bara á námslánum/styrkum og alveg upp í að sumt fólk sé með alveg uppundir eina millu (eða jafnvel fleiri) í mánaðarlaun. Þetta er reyndar heldur ekki skylduferð, en skólinn er að sjá til þess að við förum, með því að skipuleggja allt í kringum þetta en enn er ekki komið út hvað við eigum að gera ef við förum ekki í ferðina. Sennilega verður það nokkur verkefni sem við verðum að skila í staðinn... Enn jæja við sjáum hvað setur í þessum málum, það er alls ekki ódýrt að velja sér dýrasta skólann á landinu og svo halda að svona námsferð hljóti að vera reiknuð með í þessari rúmlegu hálfu millu sem maður borgar í skólagjöld fram að jólum. 

Jæja nóg um þetta allt saman og já... púff... lesefnið fyrir morgundaginn er farið að minna óþægilega mikið á sig núna L púff... eins gott að halda áfram.

Knús og kossar frá bæði danaveldinu og úr Borgarfirðinum, 
Berglind og Gústi.  

Hæhæ allir,

Allt gott að frétta héðan. Berglind komin í sumarfrí, en hún var í prófi í gær og gekk bara vel, útkoman úr annarverkefninu var eitt stykki 9 Svo nú er það bara hjá henni að njóta sumarsins hér í DK áður en hún byrja á Bifröst þann 23. júlí, en hún mun koma til landsins þann 18. júlí.

Gústi mun reyndar ekki taka beint mikið sumarfrí, fyrir utan það að fara á Hróaskellduhátíðina með Eyfa & Maju, Hauk, Didda, Hjölla víking ásamt Flemming og co. Og síðan mun hann væntanlega koma til Íslands í endan á ágúst,  líkt og við skrifuðum í síðustu færslu.

Annars þá erum við ekki ennþá að leita að einhverju til að koma til DK, þar sem litli frændi hennar Berglindar mun koma með fylgd til Köben í næstu viku, og munum við taka á móti honum þar. Eða réttara sagt Berglind, þar sem Gústi er að fara á námskeið í Köben á þriðjudag og miðvikudag ætlar Berglind að fara með til að sækja litla gaur

Látum þetta duga í bili... enda ritarinn kominn í ,,sumarfrí" frá mikilli viðveru við tölvuna
Þanngað til næst,
Knús og kossar frá okkur í Áló
B&G.

Hæhæ allir...

Gleðilegan þjóðhátíðardag! Í tilefni dagsins var að sjálfsögðu íslenskur matur á borðum hér. Ekkert meira né minna en reykt ýsa, með nýjum kartöflum, Ora grænum baunum og uppstúf. Og þótt undarlegt megi kannski virðast borðuðum við bæði með bestu lyst okkur fullsödd, en þeir sem þekkja matarvenjur Berglindar muna kannski að fiskur er víst ekki neitt beint uppáhald hjá henni.

Humm... annars af okkur að frétta þá er Berglind að undirbúa sig fyrir prófið sitt á fimmtudaginn, þ.e.a.s. þann 21. júní, og Gústi er í sæluvímu yfir að hafa keypt sér smá skotvopnapakka, enda fékk hann hluta af því í síðbúna afmælisgjöf frá sínum gömlu.

Annars þá er Bifröst enn á pallborðinu hjá Berglindi, þar sem hún fékk bæði inngöngu í skólann og háskólinn hérna í DK samþykti þetta allt saman. En Berglind var ekki svo heppin að fá skólastyrkinn þannig að nú höfum við verið að brjóta upp sparibaukanna okkar og telja... eins og Rósa vinkona Berglindar var að tala um að hún ætlaði að gera fyrir hana  En með hjálp góðra aðila gengur þetta allt saman upp með þennan kostnað. Þannig að Berglind mun koma heim til Íslands eitthvað um miðjan júlí til að hefja strempnar 6 vikur á Bifröst. En í endan á ágúst mun Gústi koma til landsins, þar sem Berglind mun hafa pínku frí á milli sumarannarinnar og haustannarinnar. En við munum síðan fljúga út saman í eftir mánaðarmótin ágúst/sept., eða þ.e.a.s. eftir að vinnuhelgin á Bifröst er lokið hjá Berglindi. En fyrir þá sem ekki muna er haustönnin hjá henni í fjarnámi.

Eitt enn... er einhver ykkar annað hvort að koma til Danmerkur, helst líka Álaborgar, eða eigið von á gestum hingað út í seinni hluta júní mánaðar sem væru kannski til í að taka einn yngri farþega með sér fyrir okkur?

Þanngað til næst,
knús og kossar héðan úr rigningunni í Áló,
B&G.

P.s. Þið öll sem við þekkjum sem eruð búin að vera eiga afmæli síðustu daga, innilega til hamingju með aldurinn ykkar   

Hæhæ...

Já þar er ekkert nýtt að það séu endalausar annir á þessu heimili. Berglind er á fullu, að reyna í sameiningu við hópinn sinn í skólanum að púsla þessu blessaða annarverkefni saman ásamt því að þurfa að hafa áhyggjur af næstkomandi önn í skólanum, sem og Gústi er alltaf í vinnunni og er á leiðinn í verklegahluta skotveiðileyfisins við lok þessara viku.

Já það er ekki nóg hjá Berglindi að huga bara að einni önn í einu... en málið er að skólinn hjá henni setur kröfur um að næsta önn verði annað hvort tekin í erlendum háskóla eða í starfsþjálfun. Svo hún er á fullu að reyna að gera eitthvað í málunum, hún var reyndar búin að finna einhver fyrirtæki til að sækja um hjá til að fara í þjálfun en vandamálin við þau eru að þau verkefni sem henni býðst er ekki alveg að hennar skapi, þ.e.a.s. ekki það sem henni langar til að sérhæfa sig í og þá má spyrja sig hver er þá tilgangurinn í að sækja um starfsþjálfun í óáhugavert starf? Það er nefnilega endalaus tilboð um að vinna að markaðsrannsóknum, en ekki starfsmanna- og fjárfestingarstjórnun sem eru meira að Berglindar skapi.
Hún var nú reyndar búin að skoða einhverja skóla í haust en leist ekkert á það sem hún skoðaði, en fyrir algjöra tilviljun sá hún auglýsingu frá Bifröst er hún skellti sér heim fyrr í maí mánuðinum og sá að þeir væru að bjóða skemmtilega lausn á mastersnáminu. Hún skoðaði málið betur og jámm... sótti um að taka þessa næstu önn þar sem er víst hið minnsta mál. En bara stóri hængurinn á því að fara þangað eru jú skólagjöldin þar, jámm... ekki nema bara hálf milljón fyrir þessa önn... og sitjum við því hérna heima núna nánast með vasareiknanna uppi á lofti til að finna lausn á þessu, ef heppnin verður ekki með Berglindi að fá ákveðinn skólastyrk fyrir þessu eins og hún er búin að sækja um.

Annars var ferð Berglindar til Íslands mjög vel heppnuð í alla staði, þrátt fyrir mjög lítinn tíma og jú fyrir utan þann hæng að geta ekki hitt allt fólkið sitt, eins og Þórdísi Kötlu og co. og fleiri...

En hún Rósa æskuvinkona Berglindar var að gifta sig og miða við upplifun Berglindar af brúðkaupinu þá hefði hún aldrei fyrirgefið sjálfri sér að hafa misst af þessu. Þetta var í alla staði hið fullkonma brúðkaup ...svo svona einu sinni enn elsku Rósa og Hlynur innilega til hamingju með hvort annað og Gísli Máni með foreldrana þína

Knús og kram frá okkur í Áló til ykkar allra

Ps. ein hérna mynd í lokin... þar sem Rósa fékk Hlyn til að skipta við Berglindi um hlutverk, þ.e.a.s skipti á fyrirsætustörfunum og fara í ljósmyndarahlutverkið...

Hæhæ...

Okkur langar bara ad bjóda ykkur øllum gledilegt sumar!!!

Knús og kossar frá okkur í veldi baunanna
B&G.
P.s. Íslensku stafirnir eru ekki á lyklabordinu hérna í skólanum hjá Berglindi, og jámm... enginn frídagur í Danaveldinu í dag...

Hæhæ...

Jæja þar sem Berglind gerir nánast ekkert annað hérna enn að skrifa um annirnar hjá sér í skólanum, hvað varðar verkefnaskil og próf, og þar með afsakar slakt gengi um skrif hérna (enda þegar búið er að eyða heillögum tíma í lærdóm virðist lyklaborð og tölvan almennt vera eins og eitthvað sem hún getur ekki hugsað sér að koma í námunda við þar til illnauðsyn krefur þess aftur, þ.e.a.s. ný verkefni, próf og slíkt). Er það líka kannski rétt hjá henni að segja ykkur framgang... Well... prófið í morgun hjá henni gekk bara ágætlega, þetta er í fyrsta skipti hjá þessum kennara sem hún er mjög sátt og sammála kennaranum um einkunn en það kom ein 8 í dag

Knús og kossar frá okkur í Áló,
og jámm... sko... þið megið alveg kommenta hjá okkur, hvenær sem er (fengum yfir 50 heimsóknir eftir síðasta blogg en enginn kommentaði )

Hæhæ...
Jæja það er nánast ekki seinna vænna en að bjóða ykkur öllum gleðilega páska og skrifa ÖRfáar línur hérna af okkur, sérsaklega fyrir þá sem voru að lesa um hasarfréttina á mbl.is héðan úr nætulífi Álaborgar (http://www.mbl.is/mm/frettir/frett.html?nid=1263469). En þið getið alveg verið rólega þar sem við skötuhjúin vorum ekkert að þvælast þarna um miðja nótt, enda er Berglind í miðjum próflestri, þar sem hún er að fara í próf strax eftir páska eða þann 12. apríl nk. Já þetta blessaða nám hjá henni heldur áfram sinni stífu prófdagskrá í gengum annirnar... En Gústi sem nýtur þess að vera í páskafríi frá vinnunni sinni naut gærdagsins í mestu rólegheitum undir teppi, ofan á sófanum með augun beind á litakassan sem er í miðri stofunni (sjónvarpið auðvitað ) og því engin hætta á að við höfum verið partur af þessu gengi eða heldur nálægt því síðasliðna nótt. (Enda fréttir um að þetta hafi allt verið eitthvað ,,utanbæjarpakk" eins og norðlendingar segja stundum... sem voru í einhverjum slagsmálum hérna.)

Annars aðrar örstuttar fréttir af okkur þá höfum við tekið þá ákvörðun að kíka ekki í svokallað sumarfrí heim til Íslands í sumar, þar sem jú dvöl okkar í danaveldinu fer sennilega að styttast ákváðum við því að eyða einu sumrinu hér í landi. En Berglind mun kíkja í örstutta ferð heim á klakan fyrstu helgina í maí þar sem Rósa vinkona hennar er að fara að gifta sig norðan heiða. Gústi er síðan að gæla við þá hugmynd að athuga kannski með að kíkja í örstutta helgarferð sennilega í september til að fara á skytterý (það er að segja með þeim fyrirvara að hann muni ná skotveiðiprófinu þann 11. maí nk. og að danskt skotveiðileyfi gildi líka á ísl.). En hann, Eyfi og Diddi nágrannar okkar ákváðu að skella sér á skotveiðinámskeið eftir áramótin og eru þeir nú í óða önn að læra alla fugla, önnur dýr og lög og reglugerðir til þess að geta hampað leyfið í byrjun maí. Reyndar var það sennilega Diddi sem lét það falla út úr sér að þetta væri nú nánast frekar eitthvað fuglaskoðunarnámskeið heldur en eitthvað skotveiðidæmi (honum fannst greinilega eitthvað ofmikið af því góða hversu smá atriðin með alla fuglanna eru mikil hérna hjá baunanum).

Jæja ætli það sé ekki kominn tími til að hætta þessum skriftum hérna og snúa sér að bóknum, þær fara víst ekkert og maður getur víst ekki lært þetta án þess að veita þeim athygli....
Þanngað til næst, knús og kossar héðan úr danaveldinu,
(sem er komið yfir í sumartímann, reyndar var það fyrir 2 vikum síðan),
Berglind og Gústi

Hæhæ...

Já hann Gústi gæi er orðinn árinu eldri þar sem hann er orðinn 28 ára í dag og já engin formleg veisla, bara kökur fyrir gesti og gangandi eins og maður segir stundum

En afmælisbarnaspáinn á Mbl.is hljóðar álíka:

Afmælisbarn dagsins:
Nú er lag að taka fram skattskýrsluna - það er algjör tunglmyrkvi í meyjarmerkinu, sem stýrir öllu sem snýr að skipulagningu, greiningu og því óhjákvæmilega. Leyfðu þessum skugga stjarna að draga úr mótþróa þínum við að komu reglu á líf þitt! Notfærðu þér ástandið og skipulegðu þrjú atriði sem gætu fært þig nær uppfyllingu óska þinna. 

Humm... hljómar hálf undarlega þar sem Gústi er nú með frekar vel skipulagður með hlutina...

En stjörnuspáin frá spámaður.is hljóðar svo...
Ekki flækja málin á nokkurn hátt varðandi ákvörðun sem þú stendur jafnvel frammi fyrir hérna. Leið stjörnu þinnar liggur einungis upp á við. Framtíð þín veit á gott og þér mun berast hjálp í einhverri mynd næstu daga. Ef þú finnur fyrir vanmáttar eða minnimáttarkennd vegna mistaka fortíðar ættir þú að snúa við blaðinu og halda ótrauð/ur áfram.  

Annars þá gekk allt í lagi í prófinu hjá Berglindi í gær, hún fékk reyndar bara 7, en hún ætlaði sér hærra... en svona eru þessi blessuðu munnlegupróf... hún hefur ávalt fengið mun hærri í skriflegum svo svona er þetta bara...

Knús og kossar úr kökuflæðinu (og þið eruð velkomin ef þið hafið áhuga),
B&G.

Hæhæ...

Allt á kafi í snjó hérna... eða svo gott sem...
hann er reyndar að bráðna núna vegna hækkandi hitastigs...
en við höfum haft nokkur vandamál vegna hans en allt í góðu með það, segjum ykkur frá því þegar Berglind er búin í prófinu sínu á föstudaginn....

Enn alla vegna rákumst við á þetta hérna:
http://aalborgzoo.dk/struktur/nyheder/index.asp ,
þ.e.a.s. frétt um Gústa í Dýragarðinum í Álaborg. En þar sem Ragna systir Berglindar var að deyja úr forvitni og bölvaði sjálfri sér fyrir að hafa ekki verið svo góður nemandi í dönsku í gamladaga til að skilja þessa frétt ákvað Berglind að hjálpa litlu systur sinni með þýðinguna. Svo þið sem ekki eruð alveg að skilja þessa frétt þá kemur hérna þýðingin (afsakið ef hún er ekki fullkomin).

Njótið vel

Nyheder 09.02.2007
Fréttir þann 09.02.2007

Ny orangutang til Aalborg Zoo
En ny orangutang forventes at ankomme til Aalborg Zoo natten mellem torsdag og fredag i denne uge og lukkes efter planen ind i anlægget fredag morgen mellem 8-9.

Nýr Orangúti til Dýragarðsins í Álaborg
Nýjan orangúta er að vænta til dýragarðins í Álaborg, nóttina milli fimmtudag og föstudag í þessari viku og mun verða settur inn í búrið á föstudagsmorgun milli kl. 8-9.

Dyrepasser Kenneth Niemann og dyrepasser/chauffør Tony Urban drog mandag morgen af sted mod Frankrig, hvor de forventes at ankomme tirsdag eftermiddag til Zooparc de Beauval i det centrale Frankrig. Hjemturen påbegyndes torsdag morgen og der køres så nonstop mod Danmark. To medarbejdere fra Beauval følger med i egen bil for at aflevere orangutangen på forsvarlig vis.

Dýrahirðirinn Kenneth Niemann og dýrahriðirinn/bílstjórinn Tony Urban lögðu af stað á mánudagsmorguninn til Frakklands, þar sem áætlað er að þeir komi til Zooparc de Beauval í mið Frakklandi um eftirmiðdaginn á þriðjudag. Heimferðin mun hefjast að morgni fimmtudags og munu þeir keyra beint áfram til Danmerkur. Tveir starfsmenn frá Beauval mun fylgja þeim á eigin bíl til að geta hafhent Orangútan á ábyrgðarfullann hátt.

Den nye Borneo-orangutang er en hun ved navn Gusti på 28 år. Gusti flyttes efter anbefaling af Det Europæiske Avlsprogram, idet hun ikke har ynglet siden 1993. Da Aalborg Zoo sidste år modtog en ny han fra Borås og gennem tiderne har ganske gode yngleresultater, har vi påtaget os opgaven med at få Gusti til at yngle igen.

Þessi nýi Borneo-orangúti er kvennkyns, 28 ára gömul og er kölluð Gusti. Fluttningurinn á Gusta er gerður samkvæmt ráðleggingum Evrópska Alvöruhópnum (veit ekki beint hvernig er hægt að þýða þetta Det Europæiske Avlsprogram) þar sem hún hefur ekki fjölgað sér síðan 1993. En á síðasta ári fékk dýragarðurinn í Álaborg einn nýjan karlkyns Orangúta frá Borås og gegnum tíðina hefur hann haft mjög auðvelt með að fjölga sér, höfum við tekið það verkefni að okkur að fá Gusta til að fjölga sér á ný. 

Gusti er født i Jakarta i 1978 og blev håndopfostret. Hun kom til Krefeld Zoo i Tyskland 28.08.1985, hvor hun fødte sin hidtil eneste unge. Den 24.11.1993 kom hun til Beauval, hvor hun har siddet sammen med en ældre han uden yngleresultater.

Gústi er fætt í Jakarta í 1978 og var alin upp við hjálparhönd. Hún kom í Krefeld Zoo í Þýskalandi þann 28.08.1985, þar sem hún átti sinn eina unga, hingað til. Þann 24.11.1993 kom hún til Beauval, þar sem hún býr saman með eldri karlkynsdýri án þess að hafa fjölgað sér.

Gusti har tilsyneladende forkærlighed for yngre hanner, og derfor satser Avlssamarbejdet på, at den unge han fra Borås falder i hendes smag.

Gústi hefur sýnilega áhuga á yngri karldýrum, og þess vegna veðjar Alvöruhópurinn á að þessi ungi karlapi frá Borås falli í vel í hennar áliti.

Jæja... núna verður eflaust skemmtilegt að heita Gústi í Áló

Knús frá okkur í Áló, enda loksins er búið að sanna það að knús sé hollt s.b. http://www.mbl.is/mm/frettir/togt/frett.html?nid=1255594

Hæhæ... erum á lífi
 
Bara stutt hérna... Berglind er búin í prófinu sínu (sem sagt var búin á þriðjudaginn síðasta) og það gekk bara ljómandi vel enda fékk hún 6... á hvolfi, sem sagt eitt stykki 9 fyrir annar verkefnið sitt og er bara mjög ánægð með það og hann Gústi er loksins kominn heim frá Írlandi (þar sem hann þurfti síðan að vinna 2 daga í Köben eftir að hafa verið þar áður enn hann kom heim til Áló). En jæja... ætlum ekki að eyða öllum deginum í tölvunni í dag... Berglind lofar að skrifa meira á mánudaginn... þar sem það er engin afsökun fyrir því að ekki hafa tíma... hún er í annarfríi og jámm... það er búið að yfirborðs þrífa íbúðina (sem sagt þetta venjulega... ryksuga og skúra og slíkt).

Knús og kossar frá okkur í Áló þar til næst
Berglind og Gústi.